أين أنت يا الله أشكو لك همى
من ظلم البشر
أهل المسيح من جديد بيصلبوه
ودين محمد بالبدع بيهدموه
والأبالسه من زمان أتحولو بشر
واللآه اللى بيعبدوه مش هو آلاه البشر
راح الحنان راح الأمان من القلوب
وضعنا خلاص ف الدروب
بنموت ونحيا ف الحروب والكل
من صنع البشر
والدنيا بقت دنيا الهروب والخوف
عنوان البشر
وما عدش فيه قلوب تتحابا
ودنيا كل يوم قلابا
والحياه اتحولت
غابة
بيحكمها البشر
أين انت يا الله أشكو لك همى
من ظلم البشر
أيام زمان كان العباد عباد
والسلم عنوان البشر
النهارده
عايشين هروب وحروب
والشر عنوان البشر
راح الامان ضاع اللى كان
وبقينا ماشيين دايريين على الأبواب
بندق ناقوس الخطر
قبل الابالسه ما تسكن قلوبنا
وقلوب البشر
وننده مهما ننده آييه يفيد الندم
بعد الحياة الموت
وهو مصير البشر
ابليس خلاص رحل ما خلاص
كل الابالسه اتحولو بشر
وبشر تدوس على بشر
قصدى اللى كانو بشر
خلاص ما فيش حنين والناس الطيبين
ضاعت ف زحام البشر
*************
معلم فحمه ....
__________________
عن أبي سعيد الخدري رضي الله عنه عن النبي قال
أفضل الجهاد كلمة عدل عند سلطان جائر .رواه أبو داود والترمذي وقال حديث حسن
ليست هناك تعليقات:
إرسال تعليق