هاتلى ورقة وقلم وعلم ونشيد
وانا ارسملك وطن
عنوانه الصبر
وقلبه حديد
عاش وجاش ودخل الأنعاش
وعاد بعد الهزيمة انتصر
هو ده اصل الوطن
وادى ممدود
م الشمال للجنوب
يحكى تاريخ منقوش
من غير ورقة وقلم
شعبه أتحدى الزمن
عاش المرار مليون نهار
وعدى علي ألف قمر
وهو بيغنى
الله أكبر
وبينشد نشيد اسمه الامل
وتمشى وسط الزحام بين البشر
تشوف قلوب بدوب فى حب الوطن
زى النهار لما يحضن شمس بكرة
عنده أمل
إن بكرة أحلى م النهارده
علشان كده مهما تغرز جوه قلبى سيوف
و تفتح جوه جسمى ندوب
ومهما ييجى الأطبا بدوا بيدوب
عمر الجراح ما تندمل
إلا بدوا أسمه حب
الوطن
**********
معلم فحمه .....
ليست هناك تعليقات:
إرسال تعليق