نفسى يوم يا مصر فى حضنك أنام
نفسى يوم أحس بأمان
هو فين بس الأمان
كان زمان ايام ما كان
كل قلوب البشر تنده عليك
تقولك سلام
النهارده راح الأمان من أحضان البشر
ومعدش غير الخوف ساكن قلبهم
الأماكن ما بقتش هيا نفس الأماكن
كل الأماكن اتبدلت
والحياه ما بقتش هى نفس الحياة
ماتت قلوب البشر
واللى فاضل م الأماكن أتهدمت
راح الأمان وغاب عن بلدنا القمر
وغرقنا فى بحر الضلام
موجه زلزال بشر
والحياه ما بقتش نفس الحياة
ليلة غاب فيها القمر
وزى ما قال الكبير
حضن الأمان لأمنا اللى كان بيضمنا
النهارده
الحضن بقى للغنى مش للفقير
أزاى يا مصر ترجعى
زى زمان
أم الأمان لكل البشر
بسطه سجاجيد المحبه بالحب
لكل البشر
امتى قلوب الناس ترجع
تطرح أمان
امتى قلوب الناس ترجع
تقولك سلام
أمتى يا مصر تعودى
حضن الأمان لكل البشر
*********
معلم فحمه .....
ليست هناك تعليقات:
إرسال تعليق